ပြည်သူကို လျှော့မတွက်စေလို

သတင်းတွေမှာ နိုင်ငံရေးလေ့လာသူအချို့က ပြဿနာတစ်ခုဖြစ်ရင် တပ်ကအာဏာသိမ်းမှာ စိုးရိမ်တယ် ဘာညာဆိုပြီး သတိပေးသလိုလို ခြိမ်းခြောက်သလိုလိုနဲ့ ပြောလေ့ရှိပါတယ်။ ဒီနေရာမှာ သူတို့တွေဟာ ပြည်သူကို အထင်သေးလို့ အဆိုပါစကားမျိုးကို ပြောတာ တွေ့ရပါတယ်။

မြန်မာပြည်သူတွေဟာ အာဏာရှင်ကို ၁၉၆၂၊ ၁၉၈၈၊ ၁၉၉၀၊ ၂၀၀၇၊ ၂၀၁၅ တွေမှာ ဆန္ဒပြလို့ဖြစ်စေရွေးကောက်ပွဲကတဆင့်ဖြစ်စေ တွန်းလှန်ခဲ့ကြတာပါ။ ယခု ၂၀၂၀ ရွေးကောက်ပွဲဟာ ကိုဗစ်ကြားက မဲပေးခဲ့ရတာပါ။ ဒါပေမယ့် ပြည်သူတွေက မိမိတို့ ရောဂါဖြစ်မှာကို မမှုဘဲ မဲပေးခဲ့ကြတာပါ။

ယခုကိုဗစ်ဟာ တိုင်းပြည်ရဲ့ စီးပွါးရေးကို ထိခိုက်လာမှာပါ။ ဒီလိုအချိန်မှာ ပြည်သူတင်တဲ့ အစိုးရကိုလက်နက်နဲ့ ဖြုတ်ချဖို့ ကြိုးစားခဲ့ရင် ပြည်သူတွေက လက်ပိုက်ကြည့်နေမှာမဟုတ်ပါ။ ရခိုင်မှာ ဖြစ်နေတာကို လေ့လာကြည့်ပါ။ တပ်ထဲက သူ့လူမျိုးအချို့ဟာ ဓာတ်ခဲဘက်ကို ပြောင်းသွားတာ တွေ့ရသလိုသူ့လူမျိုးတွေက သူ့သူပုန်တပ်ကို ဝိုင်းရံပေးလို့ အပြတ်နိုင်အောင် မတတ်နိုင်တာ တွေ့ရမှာပါ။

ပြည်သူတွေဟာ အာဏာသိမ်းသူပုန်တွေကို ခံချဖို့ ခေါင်းဆောင်သာလိုတာပါ။ အဆိုပါလိုအပ်ချက်ကိုလဲ ဖြည့်ပေးနိုင်တဲ့ အမျိုးသားရေးခေါင်းဆောင်တွေ DASSK အလွန် NLD မှာ ရှိပြီးသားပါ။အာဏာသိမ်းသူတွေကို ဘယ်လိုတုန့်ပြန်ရမလဲ တပ်ထဲက အစိုးရထောက်ခံတဲ့ တပ်မတော်သားတွေနဲ့ပြည်သူနဲ့ပေါင်းပြီး အာဏာသိမ်းသူပုန်တပ်တွေကို ဘယ်လိုနှိမ်နင်းရမလဲဆိုတာ လက်ရှိတရားဝင်NLD အစိုးရမှာ အစီအစဉ်တွေ အကုန်ရှိပါတယ်။ ကိုဗစ်ကြောင့်ရထားတဲ့ လုပ်အားပေးတွေဟာအာဏာသိမ်းသူပုန်တပ်ကို ရင်ဆိုင်မယ့် ပြည်သူ့ရဲနဲ့ တပ်မတော်ဖြစ်လာမှာပါ။ သံအမတ်ကြီးတွေကလဲလိုအပ်ရင် သူတို့နိုင်ငံတွေကနေ အာဏာသိမ်း သူပုန်တပ်ကို နှိမ်နင်းဖို့ ဘယ်လိုကူညီမလဲဆိုတာလဲပြောထားပြီးပါပြီ။

အာဏာသိမ်းရင် နေပြည်တော်က အစိုးရအဖွဲ့ကို အမြန်ဖမ်းထိန်းထားနိုင်မှာဖြစ်ပေမယ့် အာဏာသိမ်းတပ်ဟာ နေပြည်တော်သာပိုင်မှာဖြစ်ပြီး မြန်မာပြည်ဟာလဲ ဒီမြေပုံအတိုင်း မရှိနိုင်တော့ပါလို့ ကြိုပြောထားပါရစေ။ သာမန်ပြည်သူတွေက ကိုဗစ်ကြောင့် စားစရာမရှိလို့ သေလဲမထူးပါ။ သာဝရဲ့ သမီး၊သား၊ မြေးလေးတွေရဲ့ အနာဂတ်နဲ့ အာဏာကို လဲနိုင်ရင်တော့ လုပ်လိုက်ပါ။ ယခုရေးသမျှဟာ ပြည်သူကိုသာ အခြေပြုထားတာဖြစ်ပြီး အခြားနိုင်ငံတွေရဲ့ အကူအညီမပါသေးပါ။

အားလုံးဟာ ဆွေးနွေးတိုင်ပင် အဖြေရှာတာဟာ အကောင်းဆုံးပါ။ ဒါပေမယ့် ပြည်သူကို လျှော့မတွက်ပါနဲ့လို့ ထပ်သတိပေးပါရစေ။ ယခုက ၂၀၂၁ ပါ။