top of page
Search
  • Writer's pictureMyat Tun Oo

ဓမ္မအတွက်ကျေး ဇူးတင်ထိုက်သူများ


အားလုံးသိတဲ့အတိုင်း ယုန်လေးကလဲ သူ့အဘတွေနဲ့ စစချင်းမှာ ပွဲဆူအောင် စလုပ်ခဲ့ပါတယ်။ မဲမပေးရေး လှုပ်ရှားမှုလဲ လုပ်ခဲ့သလို လုပ်နေဆဲပါ။ ဒါပေမယ့် ရွေးကောက်ပွဲ နီးလာချိန်မှာ ရုပ်ရှင်၊ ဂီတ၊သဘင်အဖွဲ့များရဲ့ ဒီမိုအပေါ် ထောက်ခံမှုဟာ မဲပေးလိုသူတွေကို များလာစေခဲ့သလို NLD ကို မဲပေးဖို့လဲ များလာမယ်လို့ စာရေးသူ ပိုမိုယုံကြည်လာခဲ့ပါတယ်။


ပထမဆုံးက ရုပ်ရှင်ပါ။ ရုပ်ရှင်မှာကတော့ ကိုမိုက်တီးတို့အဖွဲ့သာ ကိုလူမင်းတို့လို သရုပ်ဆောင်တွေနဲ့ထွက်ခဲ့ပါတယ်။ အခြားနာမည်ကြီး သရုပ်ဆောင်တွေမပါပါ။ မပါသူတွေမှာလဲ အကြောင်းရှိမှာပါ။ ပါချင်ပေမယ့် ဇတ်လမ်းသဘောအရ ပါခွင့်မရတာဖြစ်နိုင်သလို အချို့သရုပ်ဆောင်တွေကလဲ အဘသမီးကုမ္ပဏီနဲ့ စာချုပ်ချုပ်ထားလို့ ဖြစ်နိုင်ပါတယ်။ ဒါပေမယ့် အနုပညာသာ အဓိကပါ။ ခေတ်ဝန်ကိုထမ်း_ခေတ်လမ်းကိုလျှောက် ဇတ်လမ်းရဲ့ ပြောဆိုချက်တွေဟာ ပြည်သူတွေကြား ခေတ်စားခဲ့တာတွေ့ရပြီး ပြည်သူတွေရဲ့ အသိတရားကို နှိုးဆွပေးခဲ့ပါတယ်။ သူတို့ဟာ NLD ရဲ့ အမာခံပုရိတ်သတ်ကို ခိုင်စေခဲ့ပါတယ်။


နောက်က ခီမောင်နှံပါ။ သူတို့ကြောင့် NLD အစိုးရအပေါ် အမြင်ပြောင်းတာကို စာရေးသူကိုယ်တိုင်တပ်ထဲမှာ တွေ့လိုက်ရလို့ပါ။ Kyi မောင်နှံဟာ MRTV မဟုတ်လို့ Documentary မှတ်တမ်းတင်ဇတ်လမ်းခေါ်တဲ့ တိုးတက်မှုတွေကို ရိုက်ပြတာမှာ တော်ပါတယ်။ သူက ကယား၊ ချင်း၊ ရှမ်း၊ ကရင်၊ မကွေး လို နေရာတွေမှာ ပြည်သူတွေကိုမေး တိုးတက်မှုတွေကို ရိုက်ပြခဲ့တာပါ။ စာရေးသူနဲ့ သိသူအချို့ဆို ကယားမှာတိုးတက်တာ၊ ချင်းမှာတိုးတက်တာကို သူတို့ရိုက်ပြမှသိပြီး မယုံနိုင်အောင်ဖြစ်ကြပါတယ်။ ဟာ NLD အစိုးရ တကယ်လုပ်နိုင်တယ်ပေါ့။ သူတို့ရိုက်တဲ့ဟာတွေက တည်ဆောက်ပြုပြင် မြန်ပြည်တစ်ခွင်လိုဟာမျိုးနဲ့ ကြီးပြင်းလာသူများအတွက် ငါတို့ခေတ်ထက် ပိုတိုးတက်လာပါလားဆိုတာကို မြင်စေနိုင်ခဲ့ပါတယ်။


ဒါဆို နယ်ကလူတွေကရော။ သူတို့တွေက ဇတ်တွေ၊ အငြိမ့်တွေ ကြိုက်ကြပါတယ်။ ဒီအတွက်က NLD အောင်နိုင်ရေးအငြိမ့်ကနေ စွဲဆောင်နိုင်ခဲ့ပါတယ်။ ကိုပန်းသီးနဲ့ သူ့အဖွဲ့ရဲ့ ပျက်လုံးတွေ အထူးသဖြင့်အစိမ်းသရဲကို မောင်းထုတ်တဲ့ ကမ္ဘာမကျေဘူးဟေ့ ဂါထာဟာ ရွာကအမျိုးတွေ အကြိုက်တွေ့စေခဲ့ပါတယ်။ ဒါက ဇတ်ကြိုက်သူများအတွက်ပါ။



သီချင်းတွေမှာတော့ NLD အောင်နိုင်ရေးသီချင်းတွေက အများကြီးပါ။ စည်သူမင်းကအစ အေးမြတ်သူ၊ သံသာဝင်း၊ မနောနဲ့ လေးဖြူအထိပါ။ ဒါပေမယ့် ဒီနေ့ထွက်လာတဲ့ Kyar Pauk နဲ့ G. Fatt ရဲ့ သီချင်းတွေကတော့ ၁၈ နှစ်ကျော် မဲပေးမယ့် စာရေးသူရဲ့ တူအရွယ်တွေအတွက် အသိဉာဏ်ပွင့်စေတာ တွေ့ရပါတယ်။ သူတို့က NLD ကို တိုက်ရိုက်မဲဆွယ်တာ မဟုတ်ပေမယ့် ဓမ္မနဲ့ အဓမ္မကို ကွဲကွဲပြားပြား သိစေခဲ့ပါတယ်။


G. Fatt

Kyar Pauk ရဲ့ ကြောက်ခေတ်


ကြံဖန်ကျေးဇူးတင်ရမယ်ဆိုရင် အဘပုရဲ့ မိန့်ခွန်းတွေဟာလဲ NLD အတွက် တအားဖြစ်စေခဲ့ပါတယ်။ တွေဝေနေတဲ့ ပြည်သူအချို့အတွက် ကိုမောင်မောင်ရဲ့ စစ်တလင်းဖြစ်သွားချင်လား ခြိမ်းခြောက်မှုနဲ့ ကိုကြီး နာဂေးတစ်ရဲ့ သတင်းစာရှင်းလင်းပွဲဟာလဲ ပြည်သူတွေကို အတိတ်မမေ့အောင် သတိပေးနေလို့ ကျေးဇူးတင်စရာပါ။


အကျဉ်းချုပ်ရရင် ယခုနှစ် ၂၀၂၀ မှာ NLD ကို ပေါ်တင်မထောက်ခံတဲ့ အဘသမီးနဲ့ စာချုပ်ချုပ်ထားတဲ့ နာမည်ကြီး သရုပ်ဆောင်တွေရှိပါတယ်။ ဒါက တိုင်းပြည်ရဲ့ ပကတိ အခြေအနေပါ။ အချို့ ပါတီအသစ်ကို ပြောင်းထောက်ခံသူ အနုပညာရှင်လဲ ရှိပါတယ်။ ဒါပေမယ့် ထွက်လာတဲ့ NLD ထောက်ခံတဲ့အနုပညာတင်ပြချက်များအရ NLD ဟာ ၁၈ နှစ်မှသည် အသက် ၈၀ ကျော်အထိကို စည်းရုံးနိုင်မယ်လို့ယုံကြည်ပါတယ်။

အားလုံးသော အမှန်တရားဘက်က ရပ်တည်ရဲတဲ့ အနုပညာရှင် အားလုံးကိုလဲ ပြည်သူများကိုယ်စားကျေးဇူးတင်ပါတယ်လို့ ပြောပါရစေ။








1,058 views1 comment

1 Comment


Myint Soe Oo
Myint Soe Oo
Oct 25, 2020

ဦးမြတ်! မနက် ညနေ နှစ်ပုဒ်အတွက် အနှစ်ချုပ်အဖြစ် တင်ပြပါရစေ။

ကာဘိုး ဖြစ်ရပ်

ပခုက္ကူ ဒေါ်နီနီဝင်း ဖြစ်စဥ်

မိတ္ထိလာ(ယနေ့ ညနေ၃:၃၀)လုပ်ရပ်

ခပ်စိပ်စိပ် ဖြစ်ပေါလာပါသည်။

မနေ့က ဥပမာ

ဖယောင်းတိုင် ၊ ဆီမီး။

ရူပဗေဒမှာလည်း

အက်တမ်တလုံးကို ရောင်ခြည်ထိတဲ့အခါ အစိတ်စိတ်အမွ ာ မွ ာ ကွဲ ထွက်တိုင်း စွမ်းအင်ကြီးကြီးတွေထွက်ပြီးနောက် (မူလ အက်တမ်မှ)နောက် (အင်အားချိနဲ့သွားသော)

အက်တမ်အဖြစ်သို့ရောက်ရပါသည်။

အထက်ဖြစ်ရပ်များကြောင့် အမြင် လွဲသူများ ၊ သဲကွဲလာကြကြောင်း fb friများမှတဆင့် သိလာရပါသည်။ အထူးသဖြင့် မှိုင်းတိုက်ခံ လူငယ်များပေါ့။အမြင် မှန် လာကြပါပြီ။

မငြိမ်းချမ်းတဲ့လမ်း မလျှောက်လိုကြတော့။%

ပြည်သူ့ မေတ္တာ ခံယူ၍ မရတော့ပါ။ အစွန်းရောက် အကြမ်းဖက်မှန်သမျှ လက်မခံကြတာ ဓမ္မနိယမပါ။

အသိရဲ့ရွာက မှိုင်းမိတဲ့အမျိုးသမီးတဦးကတော့ နောင်တ တော်တော်ရသွားကြောင်း ခုတင် သိလိုက်ရပါသည်။မီဒီယာရဲ့ ကျေးဇူး။

သစ္စာခံ ဘက်တော်သားများ၏ စူးရှသော ထိုးထွင်းမြင်မှု။

အားလုံးပေါင်းရုံးစု၍ ဂုဏ်ပြုအပ်ပါသည်။


အိုးဝေ ဆုတောင်း


ဥတေဒယံ ဂါထာသံဖြင့်

နေရှေ့ လျှံပြေး ရောင်နီအေးတွင်

ဖြူဖွေးကြယ်ပွင့်

တံခွန်လွှင့်၍

ဒေါင်းမင်း ညွှတ်မှ လွတ်ပြီတည်း။


အိုးဝေ အိုးဝေ၊ တွန်သံဝေ၍

မျှဝေခွဲခြမ်း ၊ ကမ္ဘာလွှမ်းအောင်

အေးချမ်းသီဆိုနိုင်စေသော်။


ဤလောကကို၊သာနုပျိုအောင်

စိမ်းစို ညိုမြ၊ မြီးဆံလှဖြင့်

က၍ ဖျော်ဖြေ နိုင်စေသော်။


ကိုယ့်ပိုင် ကိုယ့်နက်

ကိုယ့်စားကျက်လည်း

သူ့လက်တွင်း ၊ မကျဆင်းပဲ

ရဲတင်းကြံခိုင်၊စောင့်ရှောက်နိုင်အောင်

စိုးပိုင်အုပ်ချုပ်နိုင်စေသော်။


ဆရာကြီး မင်းသုဝဏ်

အိုးဝေ သတင်းစာ

ဇန်နဝါရီလ ၊ ၁၉၄၈

Like
bottom of page