top of page
Search
  • Writer's pictureMyat Tun Oo

ဒီအချိန်မှာနားလည်သင့်ပြီ(Unicode version)



ဒီကလေးအကြောင်းကြားရတာစိတ်မကောင်းစရာပါ။ဒီကိစ္စမှာရဲကိုလူအများကဝိုင်းပြောတာကိုလဲသတိထားမိပါတယ်။ဒီနေရာမှာရဲကိုဘယ်သူမှအမိန့်မပေးနိုင်တာမဖြုတ်နိုင်တာသွားတွေ့ရပါတယ်။ဒါပေမယ့်ဒီကိစ္စတွေဟာတကယ့်ဒီမိုနိုင်ငံတွေမှာလဲဖြစ်လေ့ရှိပါတယ်။

ဘာကွာလဲဆိုတော့ရဲတပ်ဖွဲ့ရဲ့အခြားလုပ်ရပ်တွေကဒီအပေါ်မှာအရိပ်လိုကျနေပါတယ်။ဒါကြောင့်ပြည်သူရဲ့ရဲအပေါ်ယုံကြည်မှုဟာနည်းနေလို့ပါ။ဥပမာရဲအဖွဲ့ဟာICC ကိုထောက်ခံဆန္ဒပြရင်ချက်ခြင်းလာဖမ်းပေမယ့်လက်ရှိအစိုးရကိုခွင့်ပြုမိန့်မတင်ဘဲဆန္ဒပြရင်တော်တော်နဲ့ရှာမတွေ့ပါ။

ဒါတင်လားဆိုတော့ဝရမ်းပြေးကတပ်ထဲသွေးလာလှူလဲရဲတပ်ဖွဲ့ကဖမ်းမမိတာတွေ၊ဝီဝီကိုဖမ်းမမိတာတွေ၊MRTV4 ကိုရှာမတွေ့တာတွေဟာရဲအဖွဲ့ရဲ့သခင်ဟာဘယ်သူလဲဆိုတာကိုသိစေပါတယ်။

ဒါကြောင့်ရဲတပ်ဖွဲ့ဟာဒီကိစ္စမှာဘာလုပ်လုပ်အပြောခံရမှာပါ။ဝေဖန်လိုသူတွေအနေနဲ့လဲပြည်ထဲရေးကိုကြိုက်သလိုဝေဖန်ပါ။ဒါပေမယ့်အစိုးရကိုတော့လာမထိပါနဲ့လို့ကြိုပြောထားပါရစေ။အင်္ဂါနေ့ကဘီဘီစီမှာကလေးသူငယ်စောင့်ရှောက်တဲ့NGO မိန်းမကရဲနဲ့ပြည်ထဲရေးကိုအပြစ်မပြောဘဲအစိုးရကိုအပြစ်ပြောတာများတာဟာဒီဇတ်ကနေဘယ်ကိုသွားလိုလဲဆိုတာကိုပြနေပါတယ်။

ဒီနေရာမှာအနောက်နိုင်ငံများအနေနဲ့လဲဘင်္ဂါလီကိစ္စဖြစ်တာဟာခြေဥပေါ်မူတည်နေတယ်ဆိုတာနားလည်ဖို့လိုပါတယ်။ဘင်္ဂါလီတုန်းကအဘနဲ့တွဲပြီးနွဲခဲ့တဲ့ဓာတ်ခဲတို့အမျိုးတွေလဲယခုရခိုင်မှာဖြစ်နေတာဟာခြေဥကြောင့်ဆိုတာနားလည်ဖို့လိုပါတယ်။ထို့အတူပါဘဲကချင်ကသွေးချင်းတွေလဲကချင်မှာဖြစ်နေတာတွေဟာခြေဥကြောင့်လို့နားလည်ဖို့လိုပါတယ်။

ထိုနည်းတူစွာပါဘဲပြည်မကသူတွေအနေနဲ့လဲကိုနေမျိုးဇင်အဖမ်းခံရတာ၊မင်းထင်ကိုကိုကြီးအဖမ်းခံရတာ၊ဇာဂနာတို့တရားစွဲခံရတာဟာခြေဥကြောင့်ဆိုတာနားလည်ပါ။မြေတွေသိမ်းနေတာလဲခြေဥကြောင့်ဆိုတာနားလည်ပါ။ဘုရင့်နောင်ကြီးပြန်ပေးရမယ်ဆိုတာလဲခြေဥကြောင့်ဆိုတာနားလည်ပါ။ငါကဘုန်းကြီးဆိုပြီးလွတ်မယ်ထင်ရင်ဆရာတော်ဦးသောပိတကိုတရားစွဲနိုင်တာလဲဒီခြေဥကြောင့်ပါ။

ယခုမူကြိုကလေးတွေရဲ့ဘဝမလုံခြုံတာလဲခြေဥကြောင့်ဆိုတာနားလည်လိုက်ပါ။

ခြေဥသာလက်နက်ကိုင်တပ်ဖွဲ့များသည်သမ္မတအောက်တွင်ရှိသည်ဆိုလျင်ရဲတွေယခုထက်ပိုပြီးတော့လူထုကိုမျက်နှာမူရပါမယ်။ထောက်လှမ်းရေးတပ်ဖွဲ့တွေဟာပြည်သူကိုယခုထက်ပိုမျက်နှာမူရပါမယ်။

ဒါကြောင့်နိုင်ငံတကာရော၊တိုင်းရင်းသားတွေရော၊ပြည်မကပြည်သူတွေရော၊ဘာသာပေါင်းစုံကဘုန်းကြီးတွေအနေနဲ့အာဏာရှင်သွေးခွဲတာကိုနားမယောင်ဘဲ၂၀၀၈ခြေဥပြင်ဖို့လက်ရှိဒီမိုအစိုးရကလုပ်တာကိုဇူလိုင်၁၇မှာထောက်ခံကြောင်းပြကြပါလို့ပြောလိုပါတယ်။ပူးပေါင်းဆောင်ရွက်ဖို့လိုပါတယ်။ဒီအချိန်မှာနားလည်သင့်နေပါပြီ။

514 views0 comments

Comments


bottom of page