တော်လှန်ရေးအတွက် လိုနေတာက ငွေ

စာရေးသူကို နိုင်ငံခြားကတူက မေးပါတယ်။ ဦးလေး ကျွန်တော်တို့နိုင်မှာလားတဲ့။ အဖြေက နိုင်ဖို့ကသေချာပါတယ်။ လိုနေတာက လက်နက်ဝယ်ဖို့ ငွေပါလို့။ သူက ဘယ်လောက်လိုမလဲလို့ မေးပါတယ်။စာရေးသူက ဒေါ်လာသန်း ၁၀၀ လို့ ဖြေလိုက်ပါတယ်။

ဘာ့ကြောင့်လဲ? စာရေးသူ ယခုအချိန်မှာ ဘယ်နား ဘယ်ဒေသဟာ NUG အစိုးရရဲ့ လွတ်မြောက်နယ်မြေဖြစ်မယ်ဆိုတာ ခန့်မှန်းလို့ရနေပါပြီ။ NUG က ဝန်ကြီးတစ်ပါးထံ ယခုလိုထင်ထားတဲ့အတိုင်း မဖြစ်ခင်ကတောင် တော်လှန်ရေး အစပိုင်းမှာ စာတမ်းပို့ခဲ့ပါသေးတယ်။ သူက ကာကွယ်ရေးဝန်ကြီးထံပေး မပေးတော့ မသိပါ။ ယခုကလဲ စာရေးသူတွက်ထားတဲ့အတိုင်း မြေပြင်မှာ တိုက်ဆိုင်စွာဖြစ်လာနေတာပါ။

ဆရာ သန်း ၁၀၀ က မများဘူးလားဆိုရင် ဒီငွေဟာ မအလတပ်ခိုးနေတဲ့ပိုက်ဆံရဲ့ အစွန်းထွက်သာရှိပါတယ်။ စစ်ပွဲမှာ နယ်မြေထိန်းထားဖို့ လက်နက်ကြီးတွေ လေယဉ်ပစ်အမြောက်တွေ လိုပါတယ်။ ဒါမှ ဝမှာလို ဝင်မပစ်ရဲမှာပါ။ ခေတ်မှီလက်နက်သာရရင် စာရေးသူတို့နိုင်မှာက မြေကြီးလက်ခတ်မလွဲပါ။စာရေးသူတို့ရဲ့ အင်္ဂလိပ်၊ အမေရိကန်က လေသာရှိပြီး လက်တွေ့တော်လှန်ရေးအတွက် လက်နက်မလာသေးပါ။

ဒီနေရာမှာ တာလီဘန်က ပြည်ပအားမကိုးဘဲ ဘိန်းခွန်၊ ဝင်ငွေခွန်၊ လယ်ယာခွန်၊ အိမ်ခွန်၊ လုပ်ငန်းခွန်ကောက်ပြီး ငွေရှာသွားခဲ့ပါတယ်။ ဝ အဖွဲ့လဲ အဆိုပါနည်းနဲ့ ငွေရှာခဲ့ပါတယ်။ AA လဲ ထို့အတူပါဘဲ။စာရေးသူတို့က ဒီမိုဆိုတော့ ဘိန်းနဲ့ပတ်သက်လို့ မရပါ။ ဒါဆိုရင် ထီနဲ့ ဝင်ငွေရှာရပါမယ်။ လုပ်ငန်းရှင်တွေထံက အခွန်ကောက်ရပါမယ်။

မြန်မာပြည်က ပြည်သူတွေက

ပြည်တွင်းမှာ နွေဦးထီကိုအားပေးပြီး ပြည်ပမှာ Raffle million ထိုးပြီး တော်လှန်ရေးကို အားပေးပါလို့ပြောပါရစေ။ သူက ငါးသန်းသာ မှန်းထားတာပါ။ ငွေဟာ တော်လှန်ရေးမှာ စိတ်ဓာတ်ကဲ့သို့ အရေးကြီးပါတယ်။ လေနဲ့ စစ်တိုက်လို့မရပါ။ ငွေနဲ့ စိတ်ဓာတ်ပေါင်းတိုက်မှ နိုင်မှာပါ။