တပ်မတော်ထဲမှ ရိုးသားသောဗိုလ်ချုပ်တစ်ဦး

စာရေးသူရေးရင် အဓိပ္ပါယ်ရှိတာရေးပါတယ်။ စာရေးသူရေးတဲ့ “အာဏာဘယ်လိုသိမ်းရလဲ” ဆောင်းပါးထဲက လူတွေရဲ့ပုံနဲ့ ဒီမြေကွက်ကိစ္စဟာ ဘယ်လိုပတ်သက်နေလဲဆိုတာ ယခုဆို အားလုံးသဘောပေါက်လာက်ပါပြီ။ DASSKနဲ့ သမ္မတကြီးက မြေကွက်ကို မလျှောက်သေးပါ။ ကွီးဖြိုးနာမည်က သူတို့ရဲ့ စာရင်းထဲမပါလို့ မြေကွက်ကို မယူပါ။ မလျှောက်ပါ။ သူ့ရဲ့ နိုင်ငံ​ရေးအရ အကွက်ကြိုမြင်မှုနဲ့ ထောင်ချောက်ကို ရှောင်နိုင်ခဲ့ပုံပါ။ ဂုဏ်ယူပါတယ် ကွီးဖြိုး။ ဒါက မိုးကျတွေ၊ ခရိုနီနောက်စွဲတွေနဲ့ကွီးဖြိုးကွာခြားမှုပါ။

ယခုကတော့ ရိုးသားတဲ့ တပ်ထဲက ဗိုလ်ချုပ်တစ်ယောက်မြေကွက်တွေ ဘယ်လိုရနိုင်လဲဆိုတာ ရေးပြလိုပါတယ်။ ယခင်က မြေသိမ်း ယာသိမ်းပြီး မြေကွက်ဖော် ပြီးရင် ဗိုလ်မှူးကြီးအထက်တွေကိုမြေကွက်ပေးလေ့ရှိပါတယ်။ အစိုးရစျေး ၂ သိန်း ၃ သိန်းပါ။ နောက်ပိုင်း ၁၀ သိန်းလောက်အထိ သွင်းရပါတယ်။ နောက် ဆောက်လုပ်ရေးပစ္စည်းတွေကိုလဲ အစိုးရစျေးနဲ့ ပြန်ရောင်းပေးပါတယ်။ စာရေးသူရဲ့ ဆရာတွေဆိုရင် အင်မတန်ရိုးသားပြီး ထွန်းကြည်တို့ ညွန့်တင်တို့လို မခိုးပေမယ့် သူတို့ကိုနေပြည်တော်မှာ တစ်ကွက်၊ ရန်ကုန်မှာ တစ်ကွက်၊ ဒဂုံမြို့သစ်မှာ တစ်ကွက်၊ ပဲခူးမှာတစ်ကွက်၊ မေမြို့မှာတစ်ကွက် ရခိုင်မှာတစ်ကွက်၊ မန္တလေးမှာ တစ်ကွက်ပေးထားပါတယ်။ အချို့နယ်က မြေကွက်တွေက ဧကချီပါတယ်။ ဦးပိုင်မှာလဲ သူကရှယ်ယာထည့်ထားပါတယ်။ သူကအင်မတန်ရိုးသားပါတယ်။ သူ့သားသမီးတွေက စီးပွါးရေးမလုပ်သလို သူကလဲ ခင်ညွန့်၊ ထွန်းကြည်၊ ညွန့်တင်တို့လို မသောင်းကျန်းပါ။ သူရရွှေမန်းလို သားတွေက စီးပွါးရေးမလုပ်ပါ။ ရိုးသားတဲ့ ဗိုလ်ချုပ်အောင်ကြည်ကို မျက်စိထဲမှာမြင်ကြည့်ပါ။

ယခုအစိုးရအဖွဲ့ထဲမှာရှိတဲ့ ဗိုလ်ချုပ်ရဲအောင်မှာလဲ မြေကွက်တွေရှိပါတယ်။ နေပြည်တော်၊ ရန်ကုန် ဒဂုံမြို့သစ်နဲ့ မန္တလေးမှာပါ။ အငြိမ်းစားယူသွားတဲ့ ဒုဗိုလ်ချုပ်ကြီးကျော်ဆွေမှာလဲ အစိုးရထံက ရထားတဲ့မြေကွက်တွေရှိပါတယ်။

ဒါကို နိုင်ငံရေးအရ DASSK သိက္ခာကျအောင် အနားကလူများက စနစ်တကျ လုပ်နေပုံပါ။ သူမဟာမြေတစ်ကွက်လောက်ကို မမှုပါ။ လင်ကိုစွန့်၊ သားတွေကို စွန့်ထားတာပါ။ မိခင်တစ်ယောက်အနေနဲ့သားသမီးကို တိုင်းပြည်အတွက် စွန့်လွှတ်ထားတာဟာ သူမရင်ထဲမှာ ခံစားနေရမှာပါ။ သူမကို စာရေးသူသာဆိုရင်တော့ မြေကွက်ပေါင်းများစွာ ပေးလိုတာပါ။ DASSK ဟာ လူအချို့ဝေဖန်တာကြားရင်မြေကွက်ကို လျှောက်ချင်မှသာ လျှောက်မှာပါ။ သတင်းစာရှင်းလင်းပွဲကို သူမမွေးနေ့မှာ ထလုပ်တာကလဲ စဉ်းစားစရာပါ။

နောက်မနေ့က သတင်းစာရှင်းလင်းပွဲမှာ ကမ္ဘာနဲ့ချီအရေးကြီးတဲ့ အစိုးရအရာရှိတွေ ဦးပိုင်မှာဒါရိုက်တာနဲ့ ရှယ်ယာပါတာကို Myanmar Now ကသာမေးပြီး အခြားသတင်းထောက်များက ဒီမြေကွက်ကို အုံနဲ့ကျင်းနဲ့မေးနေတာဟာလဲ သူတို့ဘာကိုဖွချင်နေလဲဆိုတာ ထင်ရှားပါတယ်။

ပြည်သူများ ရန်သူကို မျက်ခြေမပြတ်ပါစေနဲ့။ အနီးကပ်ဆုံးရန်သူကို ရှာပြီးတိုက်ပါ။ NLD ကိုသာ မဲပေးပါ။ အခြားပြဿနာများကို NLD အစိုးရက ၂၀၂၁ မှာ ဖြေရှင်းမယ်လို့ ယုံကြည်ပါတယ်။