top of page
Search
  • Writer's pictureMyat Tun Oo

ဆန္ဒပြပွဲနှင့်ကိုဗစ်


ကိုဗစ်ကာလမှာ စားစရာမရှိလို့ အလုပ်ထွက်လုပ်ရတာ နားလည်နိုင်ပါတယ်။ အစိုးရအဖွဲ့ဝင်တွေအစိုးရလုပ်ငန်းအတွက် လူစုရတာ နားလည်နိုင်ပါတယ်။ ဒါပေမယ့် မနေ့က တပ်ထောက်ခံဆန္ဒပြပွဲဟာကိုဗစ်ဥပဒေကို ချိုးဖောက်သလို ဆန္ဒပြပွဲတက်သူများဟာလဲ နယ်ကျော်ပြီး ဥပဒေချိုးဖောက်တာ တွေ့ရပါတယ်။ ဒါ့အပြင် သူတို့ဟာ သူတို့ခွင့်ပြုမိန့်တောင်းခံထားတဲ့ လူအရေအတွက်ထက်လဲ ကျော်လွန်နေတာ တွေ့ရပါတယ်။ လူဦးရေဟာ ပုံမှန်ဆန္ဒပြပွဲမှာကျော်တာ အရေးမကြီးပေမယ့် ကိုဗစ်ကာလမှာကအရေးကြီးတာပါ။

ယခုဟာ ရောဂါဖြစ်နှုန်း ရန်ကုန်မှာ ကျလာချိန်ပါ။ ယခုဆန္ဒပြပုံက အနောက်တံခါးအပြီး တမင်ရောဂါပျံ့အောင် လုပ်နေပုံပါ။ အရည်ကြိုကိုဖမ်းတဲ့ အနောက်ပိုင်းခရိုင်ထွေအုပ်နဲ့ ရဲမှူးကြီးကို မထီမဲ့မြင်ပြုရာရောက်နေပါတယ်။

နောက်သူတို့ကို အရေးယူသင့်တဲ့အချက်က သူတို့တွေရဲ့ ဆောင်ပုဒ်တွေဟာ အဘကို စော်ကားထားတာဖြစ်နေပါတယ်။ သူတို့ရဲ့ ပထမဆောင်ပုဒ်ဖြစ်တဲ့ “ရွေးကောက်ပွဲ သိက္ခာကျအောင် မဲခိုးသူ ဒို့ရန်သူဆိုတာ” မဲခိုးသူ သာဝကို စော်ကားတာဖြစ်ပြီး “ပြည်ပ ပထွေးမျှော် ဖအေတော်ချင်သူကို ချေမှုန်းကြ” ဆိုတာဟာလဲ ဂျပန်နဲ့ တရုတ်ပြောသမျှ လိုက်လုပ်နေရတဲ့ သာဝကို စော်ကားလိုက်တာပါ။ ဒီဆောင်ပုဒ်တွေနဲ့ အဘပုံကို ယှဉ်ထားခြင်းဖြင့် အဘကိုပြောသလို ဖြစ်နေပါတယ်။

အကျဉ်းချုပ်ရရင် သူတို့ကို ကိုဗစ်ကပ်ရောဂါဥပဒေ၊ ဆန္ဒပြလူစုလူဝေးဥပဒေကို ချိုးဖောက်မှု၊ အဘကိုစော်ကားတဲ့ ၅၀၅ တို့နဲ့ ထွေအုပ်ကြီးက အရေးယူပေးပါလို့ ပြောပါရစေ။

Photo credit: Myanmar Now

(Note to Facebook team: This is the article about the group supported and funded by Senior General Min Aung Hlaing who is banned by Facebook team and who is accused by ICC for war crimes. Pls read it before you remove it. Please don’t remove it based on the information from Myanmar Facebook team as it is also controlled by the retired military personnel)

293 views2 comments
bottom of page