top of page
Search

ခြေဥပြင်ရေးခရီး နီးပြီလား

Writer's picture: Myat Tun OoMyat Tun Oo

ခြေဥကို NLD က ပြင်မယ်ဆိုပြီး ၂၀၁၅ က မဲဆွယ်ခဲ့ပါတယ်။ အာဏာရလာတယ်။ သူက ပြည်သူကိုပေးထားတဲ့ ကတိအတိုင်း ကြိုးစားနေပါတယ်။

သူတက်လာချိန်မှာ မအလနဲ့ ဆွေးနွေးဖို့ ကြိုးစားခဲ့ပေမယ့် မအလက လွှတ်တော်မှာပြင်ပါဆိုပြီး အမြဲပြောခဲ့ပါတယ်။ ယခုလွှတ်တော်ကပြင်ချိန်မှာလဲ ဆွေးနွေးတာတွေကြည့်ရတာ ကန့်လန့်တိုက်နေပုံပါ။

ဒါဆိုရင် မတ်လ ၁၀ ရက်နေ့မှာ ပြင်နိုင်မလား။ စာရေးသူက လောင်းရမယ်ဆိုရင် မပြင်နိုင်တဲ့ဘက်ကလောင်းပါ့မယ်။ မှားခဲ့ရင်လဲ အဆဲခံလိုက်ပါ့မယ်။ ဒါဆိုဘာလို့ လွှတ်တော် လမ်းကြောင်းက ပြင်ဖို့ကြိုးစားသလဲလို့ မေးစရာရှိပါတယ်။ ပြည်သူကို ကတိပေးထားလို့ပါ။ နောက်ပြီး ကမ္ဘာကနဲ့ ICJ က သိသွားအောင်ပါ။ သူက တပ်ကိုအရပ်သားအောက်ရောက်ဖို့ ကြိုးစားတာကို အာခံခဲ့ရင် အစိုးရက ဘာမှမပြောရင်တောင် ဂမ်ဘီယာရှေ့နေတွေက ရေးမှာပါ။

ဒါထက်အရေးကြီးတာက ၂၀၂၀ အလွန်ပါ။ ဂျပုဟာ သမ္မတရူး ရူးနေလို့ ဒီခြေဥကနေ သူတပ်ရဲ့ ဒုသမ္မတအနေနဲ့ ဝင်ရွေးချင်လို့ ဒီခြေဥကို မပြင်သေးပါ။ ဒါပေမယ့် ၂၀၂၁ မှာတော့ အစိုးရသစ်က ဧပြီမှာတက်ပြီး သူက ဇူလိုင်မှာ ပင်စင်ယူရမှာမို့ အဲ့ဒီနောက်ပိုင်းမှသာ တပ်နဲ့ အမှန်တကယ် အပေးအယူတွေ ဆွေးနွေးမှုတွေ ရှိလာနိုင်ပါမယ်။

သူပင်စင်မယူရင်ရောဆိုတော့ ဘရွှေသူ့ကို တပ်ချုပ်နေရာမှာ ဆက်ထားရင် ဘရွှေဟာ နေဝင်းထက်ဆိုးသွားနိုင်ပါတယ်။ ဒါကြောင့် ဘရွှေကတော့ ထားလိုမှာ မဟုတ်ပါ။ တပ်ထဲမှာလဲ သူရာထူးတိုးပေးထားလို့ သူ့ကိုကြိုက်သူ ရှိနိုင်ပေမယ့် သူ့အောက်ကတက်မယ့်လူကို သူကပိတ်ထားရင် သူ့ကိုအမနဲ့ဘရွှေတို့နဲ့ ဟိုကပေါင်းပြီး ဖြုတ်လာနိုင်ပါတယ်။ ဒါကအတွင်းနည်းပါ။

အပြင် နိုင်ငံတကာက ဂျပုကိုကိုင်တဲ့နည်းတွေလဲ ICC နဲ့ နေရာစုံက သူဆက်နေနေရင် ဖိအားကြီးလာပါမယ်။

ပြည်သူအားလုံး အာရုံစိုက်ရမှာက လောလောဆယ် ခြေဥပြင်နိုင်နိုင် မနိုင်နိုင် ၂၀၂၀ ရွေးကောက်ပွဲကနေ NLD အာဏာဆက်ရပြီး ၂၀၂၁ တပ်အပြောင်းအလဲကတဆင့် ခြေဥပြင်နိုင်အောင် ကြိုးစားကြဖို့ပါ။ လွှတ်တော်အပြင် အခြားနည်းတွေလဲ ရှိပါတယ်။ အချို့ကိစ္စတွေမှာ ခံစစ်ကစားပြီး လိုအပ်ရင်တိုက်စစ်ပြောင်းရတာတွေ ရှိပါမယ်။

1,013 views0 comments

Recent Posts

See All

For Mr Marco Rubio

ဒါက Twitter/X မှာ အမေရိကန်နိုင်ငံခြားရေးဝန်ကြီးကို ပြောထားတာပါ။ Today, the junta Min Aung Hlaing staged a coup and arrested our elected...

အရပ်သားသာအဓိက

အမေရိကန်မှာ ရာထူးက အနားယူပြီးသား ဗိုလ်ချုပ်ကြီးတောင် ရွေးကောက်ပွဲမှာ ဝင်ရှုတ်လို့ ထရမ့်တက်တော့ သူ့ကိုပေးထားတဲ့ လုံခြုရေးတွေ...

Comments


Join my mailing list

Thanks for submitting!

© 2023 by The Book Lover. Proudly created with Wix.com

bottom of page