ကောလဟာလများကို လေ့လာခြင်း

ကိုဗစ်ဒုတိယလှိုင်းဟာ အနောက်ခြံစည်းရိုး မလုံတာက စခဲ့ပါတယ်။ လုံခြုံရေးက ၂၀၀၈ ခြေဥအရဘယ်သူ့မှာ တာဝန်ရှိလဲ အားလုံးသိမှာပါ။ ဒါပေမယ့် NLD အစိုးရဟာ ဘာမှ အပြစ်တင်မနေဘဲရင်ဆိုင်နေတာ တွေ့ရပါတယ်။

ရန်ကုန်ဟာ ဒုတိယလှိုင်းရဲ့ ဗဟိုချက်ပါ။ ပေါ်လစီချတာဟာ နေပြည်တော်ကပါ။ music zone ဖမ်း မဖမ်းနဲ့ နှာခေါင်းစည်းမတပ်ရင် ဒဏ်ငွေရိုက်တာကအစပေါ့။ ဒါကို DASSK မိန့်ခွန်းမှာအထောက်အထားအနေနဲ့ ကြည့်နိုင်ပါတယ်။ music zone အကြောင်း နောက်မှ ရေးပါ့မယ်။ လူတွေကိုအရေးပေါ်ဆေးရုံတွေ ဆောက်တာ ပေါင်းစပ်ညှိနှိုင်းတာ၊ ကျွေးမွေးဖို့ အလှူရှင်တွေ စေတနာ့ဝန်ထမ်းတွေနဲ့ ပေါင်းစပ်ညှိနှိုင်းတာက ရန်ကုန်အစိုးရ ကွီးဖြိုးနဲ့ ကွီးစိုးပေါ့။ ဟိုနယူးယောက်နဲ့ လန်ဒန်လိုဒေါ်လာသန်းချီပေးပြီး လုပ်ရတာတော့ မဟုတ်တာ အားလုံးသိမှာပါ။ မြန်မာ့နည်း မြန်မာ့ဟန် အလှူခံပေါ့။ ဒါကြောင့် အစပိုင်းမှာ အဆင်မပြေမှု ရှိနိုင်မှာပါ။ ဒါကို အစိုးရက နားထောင်ပြီး ဖြည့်ဆည်းပေးခဲ့ပါတယ်။ ဒီနေရာမှာ ပြဿနာက စပါတယ်။ အစိုးရမကောင်းကြောင်း လူသောင်းချီ Q ဝင်ချိန် တစ်ယောက် တင်လိုက်တာနဲ့ တပ်အကောင့်တု၊ စရဖအကောင့်၊ ဖွတ်အကောင့်၊ နေဇင်လတ်၊ PPP၊ အခြားပါတီနဲ့ ဓာတ်ခဲနွယ်အကောင့်တွေက ဝိုင်းသမပြီး တင်ကြ ရှယ်ကြတာ တွေ့ရပါတယ်။ ဒါ့အပြင်သတင်းတုများကိုလဲ ရှယ်ကြတာတွေ့ရပါတယ်။

ဥပမာ အောက်ဆီဂျင်ကိစ္စဆို တပ်နွယ်အကောင့်တွေကရှယ်ပြီး အဘက တီဗီပေါ်ထွက်လာ နောက်ပြီးတပ်ကားတွေက လိုလို မလိုလို ဆေးရုံတွေကို အတင်းလိုက်ဝေတာပါ။ သူတို့အကောင့်က အတုတင်ပြီးတော့ ပြည်သူက ဘာမှမဖြစ်လို့ သူက Facebook ပေါ်ကလွှင့် လူမကြည့်တော့ တစ်ပူးက တင်ပေးတာပါ။

ဒါဆိုရင် အဘတို့ကုပေးတဲ့ ဆေးရုံတွေ၊ Q နေရာတွေက အရပ်သားဆေးရုံတွေထက်ကောင်းနေလားဆိုတဲ့မေးခွန်းက ရှိလာပါတယ်။ လှိုင်စစ်ကြောရေးမှာ ဆေးရုံတက်ရတဲ့ လူနာအချို့ဟာ အရပ်သားဆေးရုံကနေ ပြောင်းခဲ့ရသူများ ပါနေပါတယ်။ သူတို့က အစိုးရ ဆေးရုံမှာ ရေသန့်ဗူးပေးပေမယ့် လှိုင်က တပ်ဆေးရုံထဲမှာ ရေအိုးထဲကသာ ခပ်သောက်ရတယ်လို့ သူ့အတွေ့အကြုံကို ပြောပြပါတယ်။ စားစရာကလဲ တပ်ကချက်ကျွေးတာဟာ အပြင်ကလို မကောင်းကြောင်း အိပ်ရာကလဲ မကောင်းကြောင်း ရင်ဖွင့်ပြပါတယ်။ ယခုလို စာရေးသူအနေနဲ့ မရေးချင်ပါ။ တပ်အနေနဲ့ ဝင်ကူတာ ကောင်းပါတယ်။ ဒါပေမယ့်ဒီလိုရေးပြရတာက တပ်ထဲမှာဆေးရုံတက်ရသူတွေက အနေအစား အဆင်ပြေနေတာမဟုတ်ဘဲကြောက်လို့သာ Live မလွှင့်တာပါ။ သူတို့ က စာရေးသူကို ပြောပြထားတာတွေ အများကြီးပါ။

နောက်တပ်ထဲမှာ အစိုးရက ၂ လစာချေးငွေထဲက ငွေတွေကို ဖြတ်နေလို့ အောက်ခြေက တိုင်နေတာလဲအများကြီးပါ။ လစာထဲက ကိုဗစ်ဖြတ်တာကလဲ ရဲဘော်များအတွက်မကောင်းပါ။

ဒီနေရာမှာ ဖွတ်နဲ့အဘတတွေကို ပြောလိုတာက မဟုတ်တဲ့ သတင်းတွေကို ရေးတာ ရှယ်တာဟာတိုင်းပြည်အတွက်မကောင်းနိုင်ပါလို့ ပြောပါရစေ။ မိမိတပ်ထဲမှာသာ လစာမဖြတ်ဘဲ အဆင်ပြေအောင် ထမင်းနပ်မှန်အောင် ကျွေးနိုင်အောင် လုပ်ပေးပါလို့ ပြောပါရစေ။

ဗဟိုအစိုးရအနေနဲ့လဲ မိမိက အာဏာကုန်ပေးထားတဲ့ ကျန်းမာရေးဝန်ကြီးက ဦးဆောင်ပြီးအလုပ်သမားဝန်ကြီး၊ စီးပွါးကူးသန်းဝန်ကြီး၊ လူကယ်ပြန်တို့နဲ့ ရန်ကုန်က အလုပ်သမားတွေဆင်းရဲသားတွေကို ပိုပြီး မြန်မြန် ကူညီနိုင်အောင် ကြိုးစားကြပါ။ မဟုတ်ရင် အလုပ်သမားအဖွဲ့တွေကအသံကုန်အော်ပြီး တောမီးလောင် တောကြောင် လက်ခမောင်းခတ်ဖို့ ကြိုးစားပါလိမ့်မယ်လို့ သတိပေးထားပါရစေ။ အချို့ကိစ္စက နေပြည်တော်မှာ အားလုံးကောင်းပေမယ့် လှိုင်သာယာမှာက အဘတို့ရဲ့တောကြောင်တွေ ရောက်နေလို့ အချိန်နဲ့ အမျှ မီးထိုးပေးသူတွေ ရှိနေပါတယ်။ အားလုံးကို မိမိ မလုပ်နိုင်ရင် ရန်ကုန်အစိုးရနဲ့ Video conference ခေါ်ပြီး ပေါင်းစပ်ညှိနှိုင်းပေးပါ။ မဟုတ်ရင် တောကြောင်တွေက စက်မှုဇုံတိုင်းမှာ စောင့်နေပါတယ်လို့ ရင်လေးစွာနဲ့ ပြောပါရစေ။

News Credit: Eleven, BBC Burmese, Nyan Min Htun