ကိုယ်စားလှယ်ရွေးချယ်မှုကို ဘယ်လိုသဘောရလဲ?

မနေ့က DASSK ကိုယ်တိုင် ထွက်ရှင်းတာကို နားထောင်လိုက်ရပါတယ်။ ပထမဆုံးက ကွီးကကျန်းမာရေးကြောင့် ပါမလာတာ သေချာသွားလို့ စိတ်မကောင်းပါ။ နော်ပန်းသင်ဇာမျိုးလဲ မပါလို့ စိတ်မကောင်းပါ။ ဒါပေမယ့် DASSK က ပြည်သူ့အသံနားထောင်ခဲ့ပြီး အခြားကိုယ်စားလှယ်တွေကို ရွေးခဲ့လို့ ကျေးဇူးပါ။ အဓိကကျတဲ့ ရန်ကုန်မှာ မိုးကျမပါလာတာ ပြည်သူ့အသံကို နားထောင်လို့ပါ။ ဘယ်သူဒုသမ္မတ၊ ဘယ်သူဝကခ ဖြစ်နိုင်တယ်ဆိုတာကို မနေ့ကစာရင်းကြည့်ပြီး မှန်းလို့ရပါတယ်။ ရွေးထားတာ အင်မတန်ကောင်းတယ်လို့ ပြောပါရစေ။ ဘာကြောင့်လဲ?

ပထမဆုံးက လူဟောင်း ၈၀% ပြန်ပါတာပါ။ ဒါကအရေးကြီးပါတယ်။ သူတို့ဟာ ပြီးခဲ့တဲ့ငါးနှစ်မှာသစ္စာရှိကြောင်းပြပြီးလို့ စိတ်ချရသူများပါ။ ဒါကလိုလားဆိုတော့ တပ်က ၂၅% ရှိနေလို့ လိုပါတယ်လို့ပြန်ဖြေပါရစေ။ သစ္စာဖောက်နိုင်တဲ့ ဒေါက်ခိုင်လိုလူမျိုးကို ရွေးမယ့်အစား သစ္စာရှိသူကိုရွေးတာက ပိုကောင်းပါတယ်။ ဒေါက်ခိုင်လို သစ္စာဖောက်သူ ၂၅% ရှိရင် NLD က ဒုက္ခရောက်သွားနိုင်လို့ပါ။ တပ်၂၅% နဲ့ သစ္စာဖောက် ၂၅% ဆိုရင် ဘာအစိုးရဖြစ်သွားမလဲ စာဖတ်သူများ သဘောပေါက်မှာပါ။

ဒုတိယအချက်က ကိုယ်စားလှယ်လောင်းတွေကို ပြည်ထဲရေးက ရာဇဝန်စစ်လေ့ရှိပါတယ်။ အဟောင်းဆိုရင် ပြီးခဲ့တဲ့ ၂၀၁၅ က စိစစ်ပြီးသားမိုလို့ ဘာမှလုပ်မရပါ။ အသစ်ဆိုရင်တော့ ဒါကိုဖြတ်သန်းရပါမယ်။ ဒါကိုလဲ DASSK က သတိပြုမိပုံပါ။

တတိယကောင်းတဲ့အချက်က အမျိုးသမီးတွေ၊ ပညာတတ်တွေ၊ တိုင်းရင်းသားတွေ၊ လယ်သမားကိုယ်စားပြုတွေ ပိုပါလာတာပါ။ ဒါကြောင့်ရွေးထားတာကို ကြိုက်ပါတယ်။

ပြည်သူတွေအနေနဲ့ကတော့ NLD ကို ယုံကြည်စွာမဲပေးပြီး ဒီမိုကရေစီတိုက်ပွဲကို ဆက်ဝင်ဖို့သာ ရှိပါတယ်။ လက်တွဲမဖြုတ်ကြပါနဲ့။ မဲထွက်ပေးကြပါ။ ၂၀၂၁ မှာ ဒီမိုအစိုးရက အရှိန်မြှင့်တိုက်မှာပါ။

စစ်ဖိနပ်အောက် ပြန်မရောက်ဖို့ NLD ကို မဲပေးစို့ပါ။