ကျပ်လာနေသော မအလ

အိန္ဒိယ ကုမ္ပဏီက ဦးပိုင်နဲ့ ပေါင်းပြီး ဆိပ်ကမ်းဆောက်ဖို့ ရပ်လိုက်ပါတယ်။ ဒါကဘာကိုပြလဲဆိုတော့ အိန္ဒိယအစိုးရက မအလနဲ့ စီးပွါးလုပ်တာကို အားမပေးဘူးဆိုတာပါ။ သူ့လက်နက်အဟောင်းတွေကို မအလက ဝယ်တာက အထာတမျိုးပါ။ နောက်တရုတ်ကလဲ ဆက်လုပ်မယ့်စီမံကိန်းအချို့ကို လုံခြုံရေးအကြောင်းပြ ရပ်ထားသလို နယ်စပ်ကုန်သွယ်ရေးကိုလဲ ကိုဗစ်အကြောင်းပြပြီး ပိတ်ထားပါတယ်။ DASSK လက်ထက်ကလဲ ကိုဗစ်ဖြစ်ခဲ့ပေမယ့် မပိတ်ခဲ့ပါ။ယခု ကမ္ဘောဒီးယားက မအလကို အာဆီယံပြောတာ နားထောင်ဖို့ ဖိအားပေးနေပါတယ်။ ဟွန်ဆန်က တရုတ်လူပါ။ အမေရိကန်နဲ့ မဆိုင်ပါ။ ဘရူနိုင်းဘုရင်ကတော့ အင်္ဂလိပ်က ယခင်ကသူ့ကိုကယ်ခဲ့လို့ ကျေးဇူးတင်သူပါ။ ယခုဟာက တရုတ်နဲ့ အမေရိကန် ပေါင်းကျပ်နေပုံပါ။

တရုတ်က ထပ်လာပြီး DASSK နဲ့ တွေ့လိုကြောင်း မအလထံ ထပ်တောင်းဆိုထားပါတယ်။ မအလက ပေးမတွေ့ရင် တရုတ်က အမေရိကန်နဲ့ပေါင်းပြီး ပိုကျပ်လာဖို့သာ ရှိပါတယ်။ ယခုလောလောဆယ်မှာ နိုင်ငံအားလုံးက သံတမန်ရေးကို အချိန်ပေးထားပါတယ်။ ရှေ့နှစ်ဆန်းပိုင်းအထိ မအလက ခေါင်းမာနေရင် PDF တွေရဲ့လက်နက်ဟာ ယခုထက်ပိုကောင်းလာမယ်ဆိုတာယုံကြည်ပါတယ်။ ယခုအချိန်မှာ PDF တွေကို ဘယ်အနောက်အုပ်စုကမှ မထောက်ပံ့သေးတာတရုတ်သိပါတယ်။

စင်ကာပူနဲ့ ထိုင်းဟာလဲ စကစအကောင့်တွေကို ပိတ်ဖို့ အရေးယူဖို့ အမေရိကန်ရဲ့ဖိအားကို ခံနေရပါတယ်။

ယခုဖြစ်နေတာတွေက မအလရဲ့ ကိုယ့်ဂိုးကိုယ်သွင်းတာကြောင့် ဖြစ်သွားတာက အများစုပါ။မအလ ကျပ်လာနေပါပြီ။